وحشتوني - محمد ابراهيم مدير تحرير مجلة الجامعة سابقا

بجد بجد وحشتني ايام الجامعة وحلاوتها ولولا زعل الناس مني لكنت دعيت لكل طالب في الجامعة يخليه فيها علي طول ايام حلوة وحياة جميلة وناس بتحبك وتخاف عليك لوجه الله مش لمصلحة زي الحياة العملية
والله لما اتخرجت من الجامعة حسيت اني فجاه كبرت عشرين سنة
عموما نرجع لمرجوعنا وانتم بجد وحشتوني عموما انا سعيد اني لقيت حد يسال علي ويقولي في منتدي وعايزين نعرف ايه اخبارك الواحد حس انه طلع من الجامعة باصحاب بجد
عموما انا ربنا كرمني دلوقتي واتعينت في قسم الحوادث - بعد الشر عن السامعين - بجريدة 24 ساعة (بتاعة سمير رجب ) ايوة الجريدة المجانية دي لو حد فيكم شافها غير اني مسكت رئيس قسم الحوادث في جريدة صغيرة اسمها شباب مصر هي بتاعة حزب شباب مصر و برده ماسك قسم الحوادث في موقع محيط ابقوا شوفوه يعني حياتي كلها بقت اقسام ومحاكم وبلاوي منيلة
فين ايام الجامعة والاتحاد والسهر في شغل الاتحاد مش في شغل تاني ياريت بجد ياجماعة اسمع حسكم محتاج بجد اصدقاء الجامعة اللي هما احلي اصدقاء في الحياة