كآن صديقي ..........كتبه : مصطفى حماده

كـآن صديقي
كان صديقي ...........عشنا لبعض.. نحكي لبعض.. ونشكي لبعض....... نخاف على بعض .
يمسح دمعة عيني لما بتبكي............... يسمع آهة قلبي لما بيشكي .
كنت بحبه لما بيضحك..................... كنت بحبه لما بييبكي.
كنت بحبه وكل ما فيه
لما بيزعل بجري عليه اصلحه وروحي دابت فيه
كنت بقوله عل في قلبي ال بيظهر وال اداريه
كان بيخفف عني ده كله كانت راحة قلبي عليه
كنت بشكي منه اليه كنت برحله وحايل فيه
كنت بخاف على زعله كتير كنت بحب له كل الخير
كنت بحبه وكل ما فيه
شال همومي وشلت همومه كنت في نومي بفكر فيه
كان بيخفف كل جروحي كان بيدور قلبي عليه
كانت الدنيا في قربه حلوه لما بيبعد بحكي عليه
كانت بتغني احلى غنوة كانت بترقص رقصت باليه
كنت بحبه وكل ما فيه
كنا بنضحك عل ال بيحصل وال يفرح نحكي عليه
كانت ايامنا كلها فرحة وكانت ايامنا كلها خير
كانت ايام الحزن قليله ويا الصحبه الحب كبير
كنت بحبه وكل مافيه
كان صديقي ................عشنا لبعض.. نحكي لبعض..نشكي لبعض......نخاف على بعض.
..................كآن صديقي.....................
كان بيقسى قلبه عليه وما بيبعد بابقى عليه
وما بقوله عل ال بحسه كان بيقولي بقسى عليه
كنت بانسى كل قسوته واما بيجرح بارجع ليه
كان بيخبي علية كتير كنت ببوح له بكل سرير
كنت بسمحه لما بيغلط كان في قلبي أغلى أمير
كنت بحبه وكل ما فيه
كنت براجع نفسي كتير كنت بقولها احلى صديق
اوعى في يوم تنسى يا قلبي كان في الشدة اغلى رفيق
تنسى وتقسى على ال بحبه كان بيخفف وقت الديق
اوعى يقلبي تنسى غلوته اجري بسرعه ارجع ليه
كنت بحبه وكل مافيه

ارجو من كل من يقرأ هدا الكلام اولا: يقول لي ما رئيه فيه هدا ادا كان غير ملم بعلوم الادب العربي من شعر ونثر وزجل وغيره

اما ادا كان ملما بهده العلوم فليقل لي ما نوع هدا الكلام من فنون الادب العربي وليقل لي ما تقييمه للكلام وما نصيحته لي

من طرف **sara hashim** الجمعة مارس 21, 2008 11:30 am

اولا :انا ماليش فى موضوع التقييم

ثانيا :انا رايى ان الكلام بجد جميل جدا ومعبر والصداقه بجد احلى واغلى شئ فى الوجود ومحدش يقدر يعيش من غيره ويارب مايبعد اى اصحاب ويخليهم لبعض وقليل بجد ان الواحد يلاقى اللى يفهمه ويحسه ياريت محدش يضيع اصحابه من بين يديه.
وبجد جميل وعايزين المزيد

من طرف **مصطفى حماده** الجمعة مارس 21, 2008 4:53 pm

شكرا على الكلام الجميل ويريت تكون دعوى للصداقه لكل اعضاء المنتدى Very Happy

من طرف **ibrahim** الجمعة مارس 28, 2008 2:55 am

أحمد شوقي يا ولاد ؟؟؟؟

إيه الحلاوة دي يا درش

كلام جميل جدا جدا و ماشي مع بعضه

إبقي حن علينا من فتره لفتره كده و سمعنا المزيد

و بالنسبه لموضوع التقييم نحن غير اهل لذلك بس انا واثق إنها فوق الممتازه

تقبل مروري

أخوك إبراهيم

كنت بحبه وكل ما فيه
لما بيزعل بجري عليه اصلحه وروحي دابت فيه
كنت بقوله عل في قلبي ال بيظهر وال اداريه
كان بيخفف عني ده كله كانت راحة قلبي عليه
كنت بشكي منه اليه كنت برحله وحايل فيه
كنت بخاف على زعله كتير كنت بحب له كل الخير
كنت بحبه وكل ما فيه
شال همومي وشلت همومه كنت في نومي بفكر فيه
كان بيخفف كل جروحي كان بيدور قلبي عليه
كانت الدنيا في قربه حلوه لما بيبعد بحكي عليه
**************
كلامك فى منتهى الجمال يا مصطفى .. بجد عندك احساس رائع ..
نتمنى المزيد

كآن صديقي ..........كتبه : مصطفى حماده

كآن صديقي ..........كتبه : مصطفى حماده

رد: كآن صديقي ..........كتبه : مصطفى حماده

رد: كآن صديقي ..........كتبه : مصطفى حماده

رد: كآن صديقي ..........كتبه : مصطفى حماده

رد: كآن صديقي ..........كتبه : مصطفى حماده