فى بيتنا .....طبيب

من طرف **dr_bedo** الأربعاء فبراير 20, 2008 7:31 am

بسم الله الرحمن الرحيم

ازيكم يا احلى شباب زى عادتى اتاخرت عليكم وهاقولكم وحشتوووووونى بس انا
راجعلكم المرة دى بحاجه جديده خالص يا رب تعجبكم وتستفادوا منها .........

انا قررت ان شاء الله انى اعمل زى برنامج طبى على المنتدى هيبقى اسمه (
فى بيتنا ... طبيب )
هيبقى عباره عن حلقه كل اسبوع هكلمكوا فيها عن مشاكل صحيه او طبية ممكن
تكون بتقابلنا فهنعرف اسبابها وطرق علاجها وهكذا ........ وهيبقى متاح قدامكم طول
الاسبوع انكوا تستفسروا او تسالوا عن اى حاجه تتعلق بالمشكله وممكن برده انتو تختاروا موضوع اكلمكم فيه وهكذا
.....

الغرض من الموضوع ده يا جماعة ان كل واحد فيكم يبقى عنده الثقافة الطبيه
اللى اكيد ممكن يحتاجها او على الاقل يستفاد منها .

انا مش هطول عليكم اول حلقه ان شاء الله هتبقىعن مشكله بتواجه كتير جدا من
الشباب من الجنسين وهى ........ ( حب الشباب )

حب الشباب من اسمه يعنى بيظهر فى فتره المراهقة والشباب نتيجة التغيرات
الهرمونيه داخل الجسم فى هذه المرحلة

طيب ازاى بيتكون حب الشباب

عند سن البلوغ تبدا الغدد الجنسيه فى نشاطها فتفرز هرمونات مثل هرمون
الاندروجين اللى بيزود نشاط الغدد الدهنيه (اللى بتفرز دهون بره الجسم فى بعض
المناطق خاصه الوجه) , ولما يزيد نشاط الغدد
بالتالى هتبقى مليانه بالافراز الدهنى ومش هتقدر تتخلص منهالان فتحات الجلد ضيقة
وعشان كده يتجمع الافراز على فوهة الفتحات وبيبقى على شكل بثور صفراء

ودى تعتبر المرحله الاولى فى حب الشباب

ممكن ان احنا نتغلب على المرحله دى بحاجات بسيطة خالص

1-
غسل الوجه بالماء والصابون عدة مرات يوميا

2-
تقليل تناول المواد الدهنيه لانها بتزود من افراز الغدد
الدهنيه ايضا

3-
ممنوع وضع اى كريمات على الجلد فى هذه المرحله لانها
ممكن تسبب حساسيه للجلد(لازم اسال الاول الدكتور او الصيدلى )

4-
عمل كمادات قطن مبلل بماء ساخن ووضعه على البثور اكثر
من مره (الخطوة دى مهمة جدا انها تتعمل فى الصباح خاصه للناس اللى بشرتها دهنية
عشان اتخلص من الدهون اللى على البشره واللى بتبقى واضحة جدا فى الصباح بعد
الاستيقاظ وبنلاقى الوجه بيلمع )

5-
ممنوع منعا باتا الضغط على البثور وهنعرف ليه المره
الجايه

6-
واهم حاجه وده المهم ان احنا منديش مشكله حب الشباب حجم
اكبر من حجمها والنظر اليها انها امر طبيعى

خلى بالكم ان معظم المصابين بحب الشباب بشرتهم دهنية فيتبعوا الخطوات دى
كويس

ثانيا ان الحبوب ممكن احيانا تظهرمع الدوره نتيجه ايضا اضطرابات فى هرمون
البروجيسترون .

وكده تبقى خلصت حلقتنا الاولى من برنامج ( فى
بيتنا.... طبيب ) وهنكمل ان شاء الله فى الحلقه القادمة المراحل الاخرى لحب
الشباب وازاى نقدر نعالجها .

مستنى اسالتكم واستفسارتكم ورايكم برضه فى الموضوع مع تمنياتى اولا واخيرا
بالاستفاده الكاملة ان شاء الله ........

فى بيتنا .....طبيب 2676