زجل

اشهد يا موج البحار اشهد يا طوب الأرض
طاعتى لأمى وابويا أمر بمثابة فرض

وصى الأله بطاعتهم وقال كلامهم أمر
وف سورة الأسراء كلام بمعنى الأمر

قال أف ماتقولوهاش والكلمه ما تعيدوهاش
صوتكم ده ما يعلاش والطاعه لاخر العمر

يابويا عهد عليه لارفع راسك بجد
ياما قدمت ليه والكون كله شهد

راح اشد خطا الرحيل مشوار الألف ميل
وأكون أعظم دليل وباذن الله أجد

أمى يا أغلى هديه طاعتك واجبه عليه
وصى بيكى رسولنا فى حديثه قبل الأب

يا ما سهرتى الليالى وبكت عينك عشانى
وتحملتى وسهرتى نهر الحنان ممتد

جنة رضوان بشاره ليه لرهن اشاره
منك برضاكى عنى بعدك أكبر خساره

أمى جفت دموعى من يوقد لى شموعى
بعدك حاتعب كتير طول ما الزمان ممتد

تسلمى أختى هبه
لكن مافيش فصحى خالص
الكلام كله عاميه .. الجمله الوحيده اللى فصحى هى عنوان الديوان .. سيكبر التاريخ
والباقى كله عاميه كعادة الزجل ..
لكن
أنا متشكر جدا على مرورك وأتمنى دايما تشرفونى بتعليقاتكم الجميله