بروتوكولات مريض

من طرف **midoooo** الأربعاء نوفمبر 07, 2007 1:17 pm

* لا تتوقع من الطبيب أن يشعر بآلامك، لو حس بآلام كل واحد يدخل عليه ممكن يموت من الوجع في يومين اتنين !!

* لاتتوقع من الطبيب أن يشاركك أحاسيسك، ممكن يفقد ثبات الأعصاب والموضوعية اللازمة لعمله لو كان عنده إحساس !

* مهما كنت عيان ابتسم وما تكشرش في وش الدكتور، الراجل طالع عينه طول النهار وما بيشفش قدامه غير أمراض وعاهات !!

* حاول أن تصاب بالمرض الذي يعالجك الطبيب منه، إذا كان غير المرض اللي عندك حرثا على سمعة الراجل !

* ما تحاولش تسأل الدكتور انت عندك ايه، ولا هو بيعمل ايه، دي حاجات فوق مستوى الجرابيع اللي بيعيوا!

* لا تحاول أن تصاب بأمراض تكاليف علاجها أكبر من امكانياتك، وعلى قد لحافك مد رجليك !

* اوعى تموت في وجود الدكتور بتاعك، انت كده ممكن تكسفه كسفة يروح فيها بعد الشر !

* اوعى تعيى بعد الساعة 2 الظهر ولا قبل الساعة 6 المغرب ، كل الدكاترة هيكونوا خرجوا من العيادات الخارجية في المستشفيات، ولسه العيادات الخاصة مافتحتش، وكل النواب اللي في النبطشية هيكونوا على القهوة بيتغدوا!

* حاول متعياش يوم الخميس بعد الظهر ولا يوم الجمعة، الدكاترة برضه من حقهم يقضوا الـ (week end) في الساحل الشمالي !