الحضري وشعبان عبد الرحيم

اجدد اغاني شعبولالالالالالالا
الحضري وشعبان عبد الرحيم


الواد أكيد إتجنن .. الواد أكيد إتهف
لو جه هنقول يحنن .. فيه غير الحضري ألف

إيييييييييييييييي...

قالوا الحضري كت .. أنا قلت أكيد هزار
وبعديها إنكسفت.. زي اللي إنضرب بالنار

إييييييييييييييه

كان لسه في غانا بيرقص .. وقلوبنا بترقص معاه
فرح حسن ومرقص .. وتعبنا كثير وياه

إييييييييييييييه

إزاي بعد المحبة .. والرقص والبطيخ
يغافلنا حبة حبة .. يضرب فينا صواريخ

إيييييييييييه

قال إيه الحضري إحترف .. رايح يلعب في سيون
ياجماعة الواد إنحرف .. شدوا عليه السيفون

إيييييييييييه

قالوا الحضري إحترف .. أنا قلت الحضري خاب
وحتي شوفوا مراته .. أهي قلعت الحجاب

إيييييييييييه

هتعمل إيه يا حضري .. بالكام مليون دولار
بكره هتعرف ياحضري .. أنك أكبر حمار

إييييييييييييه

هتعمل إيه ياحضري .. بالكام مليون يورو
سيبوه .. هيتوه هناك .. واللقمة تقف في زوره

إيييييييييييه

ياحضري فاكرها إيه ؟ .. فاكر الدنيا بايظه
ضحكت عليك الخلق .. وكسفت الدمايطة

إيييييييييييه

قالوا الحضري إحترف .. أنا قلت مين وراه
بكره الدنيا تدور .. وهنسمع منه الأه

إيييييييييييه

النادي الأهلي حبيبنا .. النادي الأهلي كبير
لوا راح الحضري في داهية .. بكرة هيلعب أمير

إييييييييه

شمت فينا الغير .. وهربت زي الحرامي
مش ده خليفة شوبير .. ولا ثابت ولا إكرامي

إييييييييه

النادي الأهلي عظيم .. بإنجازاته الكبيرة
مش عايزينك ياحضري .. في قلعة الجزيرة

إيييييييه

أخر كلامي هقول .. القلب عشانه داب
الفاتحة يارجالة .. علي روح عبد الوهاب