لماذا عبرت الدجاجة الطريق؟!

هذا سؤال تخيلي... تعالوا معا نتخيل كيف ستكون إجابات هؤلاء المشاهير عليه.

داروين:

هذه كانت خطوة منطقية بعد أن نزلت من الأشجار.

بيليه:

هي جيدة ولكن ليس لمجرد عبورها تشبهونها بي، في اعتقادي هي أشبه بمارادونا.

محمد سعيد الصحاف:

كم هم ملاعين هؤلاء الأمريكان.. الدجاجة التي يقولون كذبا إنها عبرت لم تعبر على الإطلاق.. لم تكن هناك دجاجة أساسا.

عمرو خالد:

عشان يا ولادنا ويا بناتنا تشوفوا ازاي الدجاجة ما رضيتش تكمل في الطريق الوحش اللي كانت ماشية فيه وقررت تعبر الطريق التاني... أنا عايزكم تستشعروا معايا عظمة الفرخة دي... كام واحد هيطلع من هنا يقول أنا هعمل زي الدجاجة؟! ناخد واجب صغير النهاردة: نبعت مسجات ورنات ولوجوهات ونكاكي لبعض عشان نبقى زي الدجاجة.

الشيخ وجدي غنيم:

ويقولك الأمة حالها واقع ليه؟! إذا كان كل ديك سايب الدجاجة بتاعته تعبر بدل ما يقفل عليها باب العشة! إزاي هنساعد اخواتنا في العراق والشيشان بدجاج زي ده؟!

أحمد فؤاد نجم:

يا دجاجة الناجة كوناجة

ولا انتي دجاجة ولا حاجة

وعبرتي ما عبرتيش...

آخرتك التلاجة.

صلاح جاهين:

ع الطريق لمحت دجاجة قلبي رق

بنوتة كنتاكي تكاكي تعمل فرق

حتى الدجاج له بيت وماتقلاش في الزيت؟

حتى الدجاج عبر الطريق وانا لأ؟

عجبي!

د. علاء صادق:

بدون أي ديباجة عبور الدجاجة لا يعبر عن أي حاجة.. الدجاجة عبرت في الدقيقة 40 و21 ثانية و5 أجزاء من الثانية... وهذا ليس أكبر مما حققته الفرخة فوزية في أولمبياد 82...

د. نبيل فاروق:

وعبرت الدجاجة.. وعبرت.. وعبرت..

لقد كان أدهم متنكرا في شكل دجاجة.

بجد يا اسماء ردك احلى من الموضوع نفسه

هو ماينفعش دكتور دماغه عالية