البدايه ___ منال درويش____

**mo7aa** · من طرف **mo7aa** في الثلاثاء فبراير 12, 2008 2:05 pm

[center]صفرت يا قطر محطاته

تعبت من كتر الجري وراه

وانا باستناه

الحلم الفارد درعاته

ومراهن ع الكون بحياته

قطع المشوار

ما بين النسمة اللي مسافرة

والقلب الحالم بنهار

لجل ما توصل للشموسه

السارحة ف حضن النوار

صفرت يا قطر محطاته

وأنا عابر و سبيلي آهاته

باتمني الضحكة فِ دمعاته

ومسافر يبحث عن ذاته

مشتاق للحضن الجواني

عابر ، و دنيتي واخداني

بأخرج من عالم للتاني

سواح في بلاد الله

والخلق خلايق يتعدوا

وفِ هم المسافات بيباعدوا

وان توهت فِ سكتي ح يساعدوا

دي عجايب خلق الله

صفرت يا قطر محطاته
وأنا عابر وسبيلي آهاته

[/center]

**ahmedabdelhay** · من طرف **ahmedabdelhay** في الأحد أغسطس 17, 2008 6:42 am

[size=24]قصيدة جميلة بس ياريت تفاصيل عن الشاعر.[/size]

البدايه _ منال درويش__