ابتسم أنت فى كلية الطب

**dr.hesham1517** · من طرف **dr.hesham1517** في الجمعة فبراير 08, 2008 8:46 pm

[size=24]عندما تعلم ان لديك محاضرة الساعة 8 صباحا و جميع الكليات حولك تبدأ محاضراتها الساعة 10 او 11 اذن انت فى كلية الطب عندما تستيقظ كل يوم و تعلم ان لديك حفنة من السكاشن و المحاضرات و غيرك بياخد 3 ايام اجازة فى الاسبوع غير الجمعة و العطلات الرسمية
ابتسم انت فى كلية الطب

عندما تقول لسائق التاكسى كلية الطب فينظر لك نظرة حاسد و حاقد (على ايه يا حسرة ) ثم يو صلك مشوار الاتنين جنيه و يقولك عشرة (طمعا فى الدكتور الصغير ) ابتسم انت فى كلية الطب

عندما تطلب احد اصدقائك فتجده نائم و انت لا تحزن ابتسم انت فى كلية الطب.
عندما تدفع فى الدروس ما يساوى تمن جهاز عروسة ابتسم انت فى كلية الطب

عندما تحسب بالجمع دون الطرح مدة تعليمك فتجدها تحقق المعادلات التالية:
مدة تعليمى الاجمالية = مدة التعليم الواطى + التعليم الجامعى +
التحابيش -------------- (1)
و علما بان التعلم الواطى = التعليم الاساسى + التعليم الثانوى
اذن التعليم الواطى = التعليم الابتدائى + التعليم الاعدادى +
الثانوى -------------- (2)
و علما بان التعليم الجامعى = سنوات اكاديمى + سنة امتياز
-------------- (3)
و علما بان التحابيش = دبلومة + ماجستير + دكتوراة
-------------- (4)
و بالتعويض من 2 و 3 و 4 فى 1
اذن
مدة التعليم الاجمالى = الابتدائى+الاعدادى+الثانوى+اكاديمى
جامعى+الامتياز+دبلومة+ماجستير+دكتوراة
مدة التعليم الجمالى = 6+3+3+6+1+2+4+4=29 سنة مع الشغل و النفاذ
(بفرض عدم الدبلرة[^o)])
اذن
ابتسم انت فى كلية الطب

مما سبق نستنتج انك سترى اللحظات التالية فى حياتك:
انت بتدرس و صاحبك
اللى ف تجارة خلاص بيشتغل ابتسم انت فى كلية
الطب
... انت فى الجيش و صاحبك بتاع اداب بيتجوز ابتسم انت فى كلية الطب
انت بتبدا حياتك و صاحبك بتاع خدمة اجتماعية اتجوز و خلف 3 عيال و
سافر برة يشتغل و رجع بعد طول غربة ابتسم انت فى كلية الطب.
عندما تحضر كل السكاشن و تذاكر المحاضرات و تاكل الكتب و بعدين تجيب
جيد نظرا لرخامة دكتور لجنة الشفوى ابتسم انت فى كلية الطب

عندما يعاملك الدكاترة كانها بتنتقم منك ابتسم انت فى كلية الطب

عندما تجد كليتك المستشفيات ومدارس التمريض والمشارح ابتسم انت في
كليه الطب.

عندما تجد كليتك معزولة عن باقى الكليات خوفا من انتقال الامراض
الى طلبة الكليات الاخرى ابتسم انت فى كليةالطب.

عندما لا تجد فى كليتك كافتريا عدلة ابتسم انت فى كلية الطب

عندما تكون حفلة الاستقبال فى الكليات الاخرى على انغام الموسيقى و انت فى حفلتك قاعد جوة المدرج سامع خطبة عريضة لعميد الكلية ابتسم
انت فى كلية الطب.

عندما تحسب
امتى هتتجوز فتجد ان و قتها هتلاقى كل البنات اتجوزت و
اللى ما اتجوزشى كانوا معاك فى الكلية مايفتحوش النفس و اللى مش معاك منهن مش هترضى بيك لان كثرة الدراسة جعلتك لا تصلح للعلاقات الانسانية ابتسم انت فى كلية الطب.

عندما يصاب الشباب بالصلع فى سنة 3 و البنات بالتجاعيد ابتسم انت فى
كلية الطب.
لو انت و صلت فى القراءة لحد هنا اكيد انت فى كلية الطب.... محسور
على خيبتك؟ لا تتحسر بل ابتسم انت فى كلية الطب

[/size]

**دعاء حواس**

وحد قالك ادخل كليه الطب ياحاج
والحمد لله اننا مش دخلنا ادعوه ادعوه ربنا يخرجه منها على رجليه

**الفارس** · من طرف **الفارس** في السبت فبراير 16, 2008 9:28 pm

ليه بس ياد يا هششام ماتخلي الطابق مستور
وادينا عايشين والناس التانيه علينا حاسدين

**nonerio** · من طرف **nonerio** في الأحد فبراير 17, 2008 5:36 pm

ههههههههههههه
والله انتوا مكبرنها واللهم لا حسد
انتوا وغيركم الحياه بتمشى بيكم
وان ان كان اللى انتوا فيه ده سبب التعليم المجانى _ انصاف متعلمين _
وربنا يستر وقول الحمد لله جيلك وبيتعلم
ولو تطلعت لحال الامه للامام ما تلاقى متعلمين على وجه الظهيره الاسلاميه
هييييييييييه كل كليه ومتاعبها بقه واامن على دعاء - دعاء - امين

**midoooo** · من طرف **midoooo** في الأربعاء فبراير 20, 2008 12:20 am

ربنا يطلعنا منها على خير يا إتش

**ahmedabdelhay** · من طرف **ahmedabdelhay** في الثلاثاء أغسطس 19, 2008 10:49 am

كل واحد لازم يحب الكلية الى هو فيها عشان يقدر يستمر فيها وربنا يوفق الجميع من طب لمعهد خدمة.

ابتسم أنت فى كلية الطب

ابتسم أنت فى كلية الطب

رد: ابتسم أنت فى كلية الطب

رد: ابتسم أنت فى كلية الطب

رد: ابتسم أنت فى كلية الطب

رد: ابتسم أنت فى كلية الطب

رد: ابتسم أنت فى كلية الطب