ياللي دخلت الطب

ياللي دخلت الطب ونفسك تخرج منه بعقل سليم
عيش لدماغك روق بالك و اوعى تفكر ف التعليم
الدرجات بتروح و بتيجي طنش و اضحك و اشرب تيم
لو شكيت ف كلامي ف ثانية ومفكرني خبيث و لئيم
ذاكر واطحن واعمل فالح واعمل ف الاخر براشيم
اخرك برضه دكتور وحده تكتب قطره حبوب و كريم
تفضل تجري و تهري ف نفسك تقبض اخر اليوم ملاليم
تاكل عيش وتصبر نفسك وتقول حلو اهو برضه رجيم
ياللي نويت ع الطب ونفسك تخرج منه وتبقى حكيم
افرض مثلا مثلا يعني مجموعك وداك بلطيم
لو تزعل تبقى عبيط واهبل تفكيرك لا مؤاخذه عقيم
لو منك كنت اعمل حفلة واجيب رقاصة ومعازيم
وكفاية اني نفدت بجلدي صدقني ده الطب اليم